သူပုန်တစ်ယောက်၏နိဒါန်း

(ရွှေအိမ်စည်)

(က)
နှစ်နာရီမျှ ကျနော်တို့ လျှောက်ခဲ့ပြီးသည့်အခါတွင်မူ ကားသံများအား သဲ့သဲ့ ကြားရပြီဖြစ်သည်။ ဖြေးဖြေးမှန်မှန်သာ လျှောက်ခဲ့ကြသည်ဖြစ်၍ မပင်ပန်း……။ လမ်းက အတတ်အဆင်းမရှိ…..။ လူသွားလမ်းအတိုင်း မသွားပဲ တောတိုး၍ လာခဲ့သည့်အတွက်သာ ခရီးကဖင့်၏။ စမ်းချောင်းငယ်အတိုင်းသွားသည့်အခါ သွားသည်။ ၀ါးတော်ကြီးအတွင်း ဖြတ်၍သွားသည့်အခါ သွား၏။ ကားသံများက တခါတခါ ကျယ်၍လာသည်။ တခါတခါတွင်မူ သဲ့သဲ့မျှသာ …..။အသံက လေယူရာတိမ်း၍ တိုးလိုက် ကျယ်လိုက်…..။
ဤကားသံများက အန္တရာယ်သံများ ……။ ကားသံများနှင့်နီးလာလေ ….အန္တရာယ်နှင့်နီးလေဖြစ်သည်။ စစ်တပ်က နှစ်စဉ် `ဖာပွန်´သို့ ရိက္ခာပို့သည်။ TE 11- စစ်ကားကြီးများနှင့်ပို့ခြင်းဖြစ်၏။ အခေါက်ခေါက်အခါခါ …..။ တစ်ခေါက်လျှင် ယာဉ်အစီးလေးငါးဆယ်မှ ရာကျော်အထိ ပါတတ်သည်။ သူတို့အသုံးပြုသည့်လမ်းကား …. သိမ်ဆိပ်၊ ပိန္နဲတောလေးကေမှ ကျသောင်းဆိပ် လဂွန်ပြို ဖာပွန်လမ်းဖြစ်သည်။ လမ်းက လမ်းကြမ်း …..။ လမ်းလုံခြုံရေးအတွက် စစ်ဗျူဟာ (၃)ခုခန့် သုံး၏။ တပ်ရင်း ၉-ရင်းအင်အားနှင့် လမ်းကင်းချထားခြင်းဖြစ်၏။ လက်ယှက်ထိုးထားသကဲ့သို့ …….။
ကျနော်တို့က ဤကြားမှ ဤလမ်းအား ဖြတ်ကျော်ကြရမည်ဖြစ်သည်။
`ကျနော်တို့ရှေ့မှာ ခဏနားကြပြီး သတင်းထောက်ပြီးတော့မှ ကားလမ်းကူးကြမယ်…..´
ဖဒို့အောင်ရွှေက ကျနော်တို့အား ပြောသည်။ နားမည့်နေရာအား ကျနော်ကြည့်မိ၏။ တောင်ယာဟောင်း …..`ဖုန်းဆိုးမြေ´။ တောင်ယာက မို့မို့လေး မြင့်တတ်သွားသည်။ တောအုပ်နှင့်တောင်ယာအကြား အနိမ့်ပိုင်းတွင် စမ်းချောင်းငယ်တစ်ခုက ရစ်ခွေထား၏။ တောင်ယာအား အနားသတ်မျဉ်းအဖြစ် စမ်းချောင်းငယ်သည် မြောက်မှတောင်သို့ ခွေရစ်၍ထား၏။ ချောင်းငယ်အတွင်းသို့ ကျနော်တို့ ဆင်းလိုက်၏။ ချောင်းရေက ခြေမျက်စိမြုပ်ရုံမျှသာ….။ သဲချောင်းလေးဖြစ်၍အေးစိမ့်၍နေသည်။ ဖားလောင်းလေးများ အုပ်လိုက်ကူးခတ်နေသည်ကို တွေ့ရ၏။ ကုန်းမို့မို့ပေါ်သို့ ကျနော်တို့ တတ်ခဲ့ကြပြန်သည်။ ထိကရုံဆူးပင်များက တောထ၍နေသည်။ ပိဇပ်ရိုင်းပင်များ၊ မြက်ရိုင်းပင်များက လူတစ်ရပ်မက …..။
ဖုန်းဆိုး၏အလယ်တွင် တောင်ယာတဲပျက်တစ်လုံးရှိသည်။ အမိုးမရှိ….၊အခင်းမရှိ….။ မဓမတိုင် ထိုးထိုးထောင်ထောင်များကသာ ……။ ယခင်က တောင်ယာခင်းရှင်တို့နေခဲ့သည့်တဲဟူ၍ ပြောနိုင်တော့သည်။ တဲပျက်တွင်ပင် ကျနော်တို့ နားကြ၏။ ဖဒိုအောင်ရွှေနှင့်ပါလာသော KNU ရဲဘော်လေး ၃-ယောက်က ရှေ့သို့ဆက်သွားပြီး ကင်းပုံးဝပ်၍ နေ၇ာယူထားကြသည်။ ကားလမ်းနှင့် နီးပြီဖြစ်၍ ရန်သူက လမ်းလုံခြုံရေးအတွက် ကင်းရှည်လှည့်တတ်သည်။ သတိထားရမည့်နေရာ …..။
ကျနော်တို့နားပြီး အတန်ကြာမှ ….ဦးမောင်မောင်လတ်ရောက်လာသည်။ သူက….ဘီးလင်းမြို့နယ် ပြည်သူ့လွှတ်တော် ကိုယ်စားလှယ်တစ်ဦးဖြစ်သည်။ ဆင်ခြေလျောလေးအတိုင်း သူတတ်လာသည်မှာ ပေ ငါးထောင်အမြင့် စောက်ကမ်းပါးကြီးအား တတ်နေသည်နှင့် တူတော့၏။ သူ့အသက်ရှုသံက ခပ်းလှမ်းလှမ်းမှပင် ကြားနေရ၏။ ချွှေးသီးချွှေးပေါက်များက သူ့မျက်နှာတွင် ရွစိထနေသည်။ ရေနှင့် ဖျန်းပက်ထားသကဲ့သို့…..။ တိုက်ပုံအင်္ကျီအနက် ၊ တတ်ထရွတ်ပုဆိုး ကချင်ကွက်အစိမ်းအောက်၌ သူ့ခန္ဒာသည် ပိန်လှီလွန်းလှ၏။ ဖြူရော်သော် အသားရောင်သည် သွေးဆုတ်သွားသည့် လူသေတစ်ဦးကဲ့သို့ …..။ဆံပင်တို့က ရှည်၍ပွယောင်းနေသည်။
သူလမ်းလျှောက်နေသည်မှာ ….၀ိဥာဉ်တစ်ကောင်လွင့်ပါးနေသည့်အလား…..။ ကျနော်တို့အနား၌ သူဝင်၍ထိုင်လိုက်သည်။ သူအသက်ရှုနေသည်မှာ ခက်ခဲပင်ပန်းလွန်းလှ၏။ သူ့အဆုတ်သည် ညှစ်ရဖန်များ၍ ပွင့်ထွက်လာလေမည်လား ထင်ရသည်။
ကျနော်တို့ သက်သက်သာသာ သွားခဲ့ရသည့်ခရီးအား သူသည် ပင်ပန်းလွန်းစွာနှင့် လာခဲ့ရ၏။ သူ့အခြေအနေအား ဖဒို့အောင်ရွှေလည်း သတိထားမိ၏။ ရှေ့ခရီးက သွက်သွက်လက်လက်သွားရမည်။ ရှောင်ရတိမ်းရမည်။ ရန်သူကြားမှ ဖြတ်ကျော်သွားရမည်ဖြစ်၍ ပြေးပြေးလွှားလွှား သွားရကောင်း သွားကြရမည်။ သူ့အခြေအနေနှင့် ဖြစ်နိုင်ပါ့မလား ….။ သူ့ကျန်းမာရေးက လိုက်နိုင်ပါ့မလား…..။

(ခ)
ကျနော်တို့ အစီအစဉ်ပြောင်းကြရသည်။ ပထမက ဖုန်းဆိုးမြေတွင် ခဏနားပြီး ….. ကားလမ်းအား ဖြည်းဖြည်းချင်းကပ်မည်။ ကားတန်းအားလုံး လွန်သွားပါက ဖြတ်ကူးရန်ဖြစ်သည်။ ယခုမူ ဤအတိုင်းသွား၍မဖြစ်တော့…..။ ဦးမောင်မောင်လတ်က လိုက်နိုင်မည့်ဟန်မပေါက်……။ နားရမည်။ သူ့အား ဆေးမှူးနှင့်ပြပြီးကုသပေးရမည်။ ပြီးမှ …. ခရီးအား ဆက်ကြရမည်။
ဖဒိုအောင်ရွှေက လမ်းလျှောက်စကားပြောစက်ဖြင့်ှ ဆေးမှူးတစ်ယောက်အားခေါ်၏။ တနေရာတွင် ဆုံရန်ချိန်း၏။ ကျနော်တို့ယခုရောက်နေသည့် နေရာမှ မီနစ် ၂၀-ခန့်သွားရမည်။ ကျသောင်းဆိပ်ရွာနှင့် ကြိုးဝိုင်းအကြားတွင် ဖြစ်သည်။
ဝါးလုံးတွင် ပုခက်ဆင်ပြီး ဦးမောင်မောင်လတ်အား ကျနော်တို့ ထမ်းကြရ၏။ အရှေ့တစ်ယောက် အနောက်တစ်ယောက်…..။ ဖုန်းဆိုးမြေမှ တောင်ဖက်ဆီသို့ ပြန်ဆင်းခဲ့ကြ၏။ တတ်နေဖြစ်သော်လည်း တပေါင်းနေက ပူပြင်းသည်။ ကျသောင်းဆိပ်ရွာအား ကွင်းရှောင်ပြီး သွားကြသည်။ ကျသောင်းဆိပ်ရွာတွင်က ရန်သူ၏ နည်းဗျူဟာ (၃၃၁) ရှိသည်။ ဆယ်မိနစ်ခန့် လျှောက်ပြီးသည်နှင့် လယ်ကွင်းအားတွေ့ရ၏။ လယ်က မလုပ်ပဲထားသည့်အတွက် `ကော´ ၍နေပြီ။ လယ်ကွင်းအား တည့်တည့်အလယ်မှ မဖြတ်ရဲ…..။ ရန်သူနှင့်တိုးပါက သတ်ကွင်းအတွင်း သွားသလိုဖြစ်နေမည်။ လယ်ကွင်းအား ကွင်း၍ခင်းတန်းလေးအတိုင်း သွားကြသည်။ ခရီးကရှည်၏။ ထမ်းစက မလေးသော်လည်း ကြာလာသည့်အခါ၌ ပုခုံးများက ကြိမ်းလာသည်။ လယ်ကွင်းဆုံးသည်နှင့် ရွာအ၀င်လမ်းအား တွေ့ရ၏။ ရွာက ရွာပျက်……။
စစ်သားများအလုံးအရင်းနှင့် တတ်လာခဲ့သည်မှစ၍ ….. ရွာသားများ ရွာတွင်မနေရဲ….။ လယ်ထဲသို့ မဆင်းနိုင်…..။ တောင်ယာသို့ မသွားနိုင်ကြတော့…..။ ဤဒေသတွင် …. ရွာများက ရွာပျက်…..။ လယ်များက ကော၍နေသည်။ တောင်ယာတို့က ဖုန်းဆိုးမြေ…..။
ရွာအတွင်းသို့ ရောက်၏။ အုန်းပင်များ၊ ကွမ်းသီးပင်များနှင့် အုပ်အုပ်ဆိုင်းဆိုင်း…..။ အိမ်ခြေငါးဆယ်ကျော်ရှိခဲ့မည့်ရွာာဖြစ်မည်။ ယခုတော့ ….. ထရံများကွာကျနေသော အိမ်၊ အမိုးပွင့်နေသော တဲ….။ အခင်းပြုတ်နေသော ဇရပ်တို့သာ ရှိတော့၏။ ရွာလယ်တွင် ဘုန်းကြီးကျောင်းရှိ၏။ ဘုန်းကြီးကျောင်းကမူ မပျက်ယွင်းသေး…..။ ယခင်က ဤရွာလမ်းတစ်လျှောက် ခလေးငယ်တို့ လုံချည်ကွင်းသိုင်းနှင့် ပြေးလွှားကစားကြမည်။ သက်ကြီးရွယ်အိုတို့က အခါကြီးရက်ကြီးများတွင် ဘုန်းတော်ကြီးကျောင်းသို့သွား၍ သီလဆောက်တည်ကြမည်။ ကြေးစည်သံတို့က လွင်နေလိမ့်မည်။
ယခုတော့ ရွာက တစပြင် …..။ သူသာင်္န်ကဲ့သို့…..။
ဖဒိုအောင်ရွှေ၏ ရဲဘော်၃-ယောက်အား ဘုန်းကြီးကျောင်းအတွင်း ကင်းရှည်အဖြစ်ထားခဲ့ပြီး ကျနော်တို့ရွာ၏မြောက်ဖျားပိုင်းသို့ ဆက်၍ထွက်ခဲ့ကြသည်။ ရွာမြောက်ဖျားပိုင်းက ကုန်းမို့မို့ပေါ်တွင်ရှိ၏။ ဆုတ်ရန် ၊ ရှောင်ရန် လွယ်ကူသည်။ ကျနော်တို့နားကြပြီး ခဏတွင်ပင် ဖဒိုအောင်ရွှေလှမ်းခေါ်ထားသည့် ဆေးမှူးရောက်လာ၏။ ခမောက်ဆောင်းပြီး ပလိုင်းတစ်လုံးလွယ်ထားသည်။ အရပ်ဝတ်အရပ်စားနှင့်ပင်။ မသိပါက KNU မှ ဆေးမှူးဟူ၍ မသိနိုင်။ ပျောက်ကျားရဲဘော်ပီသလှ၏။ ကွမ်းတမြုံ့မြုံ့နှင့် လူနာအားကြည့်၏။ သွေးပေါင်ချိန်သည်။ ကိုယ်အပူချိန်တိုင်း၏။ အင်္ကျိအား လှန်၍ ကျောပြင်အနှံ့လက်ခေါက်နှင့်ဖွဖွထု၏။ နားကြပ်နှင့်ထောက်၍စမ်းသပ်၏။
`အဆုတ်ပွပြီး အဆုတ်ထဲရေ၀င်နေတယ်။ စုပ်ထုတ်လိုက်ရင် ကောင်းသွားမှာပါ´
ကွမ်းငုံထားသည့်အသံနှင့် ဆေးမှူးက ပြောသည်။ သူ့ပလိုင်းအတွင်းမှ ဆေးထိုးအပ်နှင့် `ဆလင်း´ အားထုတ်၏။ အပ်ကရှည်သည်။ တုတ်၏။ `ဆလင်း´ က ကြီး၏။ နွားများ၊ ကျွှဲများအားထိုးသည့် အပ်နှင့်ဆလင်းမျိုး…..။
` ဟန်းကော´ တွင်ထည့်ကာ `အပ်´နှင့် `ဆလင်း´ အားပြုတ်၏။ မပျက်မစီးကျန်နေသည့် တဲငယ်၏ ၀ါးကွပ်ပျစ်ပေါ်တွင် လူနာအား လဲလျောင်းစေ၏။ အမိုးမရှိတော့သည့် တဲငယ်သည် ချက်ချင်းပင် စစ်မြေပြင် ဆေးရုံဖြစ်သွား၏။ လူနာအား တစောင်းလှဲစေ၏။ အင်္ကျီအား လှန်သည်။ ပြီးလျှင် …. အရက်ပျံဆွတ်ထားသော ဂွမ်းစနှင့် လက်ဖျံနှစ်ခုအကြား ကျောပြင်အား ပွတ်တိုက်၏။ ထိုနောက် ….. အပ်အား အဆုတ်ဆီသို့ ထိုးသွင်းသည်။ သူ့ဟန်က တည်တည်ငြိမ်ငြိမ်။ သူ့အလုပ်အပေါ် ယုံကြည်မှု အပြည့်ရှိသည့်သဏ္ဍာန်က သူ့မျက်နှာတွင် အထင်သား ……။ သူ့လက်က ဆလင်းအာ စုပ်ယူလိုက်သည်။့ လူနာ၏အဆုတ်အတွင်းမှ ရေများ ဆလင်းအတွင်းသို့ ရောက်လာသည်။ ဆလင်းအတွင်းပြည့်သွားသည်။ အပ်ကို မဖြုတ်ပဲ ဆလင်းအား အပ်မှ ချွှတ်လိုက်သည်။ ပြီးလျှင် ….. အနီးရှိ ရေခွက်ထဲသို့ ထိုးထုတ်လိုက်သည်။ ဆလင်းအား အပ်တွင် ပြန်၍တပ်၏။ စုပ်ထုတ်၏။ တကြိမ်…..နှစ်ကြိမ်…..သုံးကြိမ်။
လီတာဝက်ခန့် ရေများ ထွက်လာ၏။ ဆေးမှူး၏ လှုပ်ရှားဆောင်ရွက်နေသည်အား ကြည်ရင်း …..ကျနော်စိတ်၌ `နော်မန်ဘီသွန်´အား အတွေးရောက်စေ၏။
၁၉၃၉ ခုနှစ် အောက်တိုဘလ နောက်ဆုံးအပါတ်၏ နေ့တနေ့တွင်ဒေါက်တာနော်မန်ဘီသွန်သည် ဒဏ်ရာရစစ်သည်တစ်စုအား ခွဲစိတ်ကုသနေခဲ့၏။ ခွဲစိတ်ခန်းသုံးလက်အိတ်မရှိ…..။ လက်ကြီးဗလာနှင့်ခွဲနေသည်။ ခွဲစိတ်ရင်း သူ၏ လက်ဝဲဖက်လက်အား ခွဲစိတ်ဓါးထိသွားခဲ့၏။ ပိုးသေစေရန် အိုင်အိုဒင်းဆေးရည်ထဲသို့ သူ့လက်ကို ချက်ချင်းထိုးနှစ်လိုက်၏။ ပြီးလျှင် ….ခွဲစိတ်မှုအား ဆက်လက်ဆောင်ရွက်သည်။ ဤသို့ ခွဲစိတ်နေစဉ် လက်ဓါးထိသည်မှာ ဒေါက်တာနော်မန်ဘီသွန်အတွက် မဆန်း…..။ အကြိမ်ကြိမ်ရှိ၏။ ယခုလည်း အရင်ကကဲ့သို့ပင် အနာကျက်သွားလိမ့်မည်ဟု ဒေါက်တာဘီသွန်ယုံကြည်၏။ သို့သော် အနာကမကျက် …..။ ပြည်တည်လာ၏။ ပြည်တည်အနာကို ဖောက်ထုတ်ဆေးကြောသော်လည်းမထူးခြား….။ ပျံနှံ့၍သာနေခဲ့၏။ လက်မောင်းတစ်ခုလုံး ဖူးယောင်ဖောင်းပွလာခဲ့ပြီ။ သူကား သွေးအဆိပ်သင့်ခဲ့ပြီ။ သူတစ်ကိုယ်လုံး သွေးအဆိပ်သင့်မှုကား ပျံ့နှံ့လို့နေခဲ့ပြီ။ ၁၉၃၉ခုနှစ် နိုဝင်ဘာလ ၁၂ နေ့တွင် ဒေါက်တာနော်မန်ဘီသွန်သည် တရုတ်ပြည်၏ စစ်မြေပြင်၌ပင် ကွယ်လွန်ခဲ့သည်။
ဆေးမှူး၏လူနာအား ပြုစုကုသမှုက ပြီးလေပြီ။ ဆေးပစ္စည်းများအား ပလိုင်းအတွင်းသို့ ပြန်ထည့်၏။ ပြီးလျှင် …. ကွမ်းပေါင်းနှင့် ထုံးဗူးအား ထုတ်၍ ယာနေ၏။ ။


၂၀၀၈ခုနှစ် ဇန်န၀ါရီလ၌ Mizzima တွင်ဖော်ပြခဲ့သည်။