`စောထ နှင့် လွတ်မြောက်ရေးတရား´

(ရွှေအိမ်စည်)

(၁)
စက်လှေ၏စက်အားရပ်၍ သတ်လိုက်သည်။ အရှိန်နှင့်လှေဦးသည် ၀ါးဖောင်ကြီးတစ်ခုဆီသို့ တရွှေ့ရွှေနှင့်ကပ်သွား၏။ လှိုင်းလုံးများကြောင့်ဝါးဖောင်သည် မြင့်လိုက်၊ နိမ့်လိုက် လှုပ်ယမ်း၍နေသည်။ လှိုင်းပုတ်သဖြင့် လှေနှင့်ဝါးဖောင်သည် ဝေးလိုက်၊ နီးလိုက်ဖြစ်နေ၏။ လှေကြိုးအား ၀ါးဖောင်တွင် ချည်လိုက်ပြီးမှသာ လှေသည် ၀ါးဖောင်နှင့် ကပ်၍သွားတော့သည်။
လှေပေါ်မှ ၀ါးဖောင်ပေါ်သို့ ကျနော်တို့ အားလုံးတတ်လိုက်ကြသည်။ ၀ါးဖောင်က အလျားပေ ၃၀၊ အနံပေ ၂၀ခန့်ရှိမည်။ ၀ါးပိုးလုံးကြီးများအား လေးထပ်မျှ ထပ်၍တွဲထားသည့် ၀ါးဖောင်ကြီး ဖြစ်သည်။ ဖောင်၏တစ်ဝက်ခန့်အား အင်ဖက်များနှင့် အမိုး မိုးထား၏။ အမိုးအောက်၌ စက်လှေအင်ဂျင်တုံးများအား ပြုပြင်သည်။ တွင်ခုံတစ်ခုလည်း ရှိသည်။ စက်လှေများပြုပြင်သည့်အလုပ်ရုံ ၀ါးဖောင်များဖြစ်သည်။ ၀ါးဖောင်ပေါ်မှ ဆင်းလျှင် `စောထ´ကမ်းပါးသို့ ရောက်၏။ ကမ်းပါးက မတ်စောက်သည်။ ကမ်းပါးသည် ၁၅-ပေ၊ ပေ-၂၀ခန့် မတ်သည်။ လှေကားထစ်များပြုလုပ်ထားသည်။ လှေကားထစ်များအတိုင်း ကျနော်တို့ ကမ်းပါးပေါ်သို့ တတ်လာခဲ့ကြ၏။ ကမ်းပါးထပ်တွင် KNU ၏အလံအား လွှင့်ထူထား၏။ အလံတိုင်၏အနောက်နားတွင်မူ KNUစစ်ဆေးရေးနှင့် အခွန်စည်းကြပ်သည့် အဆောက်အဦးငယ်တစ်လုံးရှိသည်။
`စောထ´ဈေးတန်းက `မာနယ်ပလော´ ထိုးစစ်အတွင်း တိုက်ခိုက်ခြင်းမခံရသည့်အတွက် ဈေးဆိုင်တို့မှာ အပျက်အစီးမရှိ…..။ `စောထ´ဈေးတန်းက သံလွင်မြစ်အားမှေးတင်၍ ကမ်းပါးနှင့်အပြိုင်တည်ရှိနေသော ဈေးတန်းမဟုတ်…..။ သံလွင်အား ထောင့်မှန်ကျစွာနှင့် ခေါင်းထိုး၍ဆောက်ထားသော ဈေးတန်းဖြစ်သည်။`စောထ´အားလွန်၍ သံလွင်ကို ဆန်၍တတ်လျှင် …..`မော်ချီး´ သို့ရောက်မည်။ မြေပြင်ခရီးနှင့်မူ `စောထ´မှသည် `ဖာပွန်´ ၊ `ကျောက်ကြီး´ ၊ `ရွှေကျင်´ ၊ `ညောင်လေးပင်´ နယ်များသို့ ပေါက်သည်။ တောင်များအား တတ်ရမည်။ လျိုမြောင်များအတွင်း လျှောက်ရမည်။ လွင်ပြင်များအား ဖြတ်ရမည်။ လမ်းက လမ်းကြမ်း….။ နွားကုန်သည်တို့ အသုံးပြုသည့်လမ်းဖြစ်သည်။
`စောထ´ ဈေးခင်းလမ်းက မြေနီရွှံ့တို့နှင့် ချော၍နေသည်။ ခြေညှပ်ဖိနပ်စီး၍ လမ်းလျှောက်မရ….။ မိုးတွင်းစီး လည်ရှည်ဖိနပ်ကြီးများနှင့် သွားမှအဆင်ပြေသည်။ ကျနော်တို့က ခြေညှပ်ဖိနပ်အား ချွတ်၍ ခြေဖ၀ါးပြောင်နှင့် လျှောက်ကြရသည်။ `ခြေမ´အား ကုတ်၍ ထိန်းသွားမှ မလဲအောင် လျှောက်၍ရတော့သည်။ ဈေးတန်း၏အလယ်တွင် ရင်ကွဲဘားတိုက်ရှည်ကြီး ၂-လုံးရှိသည်။ ဘားတိုက်က လူ ၅၀-၆၀ခန့်နေနိုင်သည့် ဘားတိုက်ရှည်ကြီးဖြစ်သည်။ ဘားတိုက်ပေါ်၌ လက်နက်ကိုင်တော်လှန်ရေးတပ်ဖွဲ့ တစ်ဖွဲ့ ရှိနေ၏။ ၇၀-၈၀ခန့်ရှိမည်။ ဗမာစကားလည်းပြောသည်။ အခြားတိုင်းရင်းသားဘာသာစကားလည်း ပြောကြသည်။ လက်မောင်းတံဆိပ်ကမူ KNUလည်းမဟုတ်။ KNU ၏လက်မောင်းတံဆိပ်က နေ၀န်းဖြာထွက်နေသည့် အမှတ်တံဆိပ်…..။ ဘားတိုက်အားလွန်လျှင် လက်ဖက်ရည်ဆိုင်တစ်ဆိုင်အားတွေ့ရ၏။ ဆိုင်က မြေစိုက်ပင် …..။ မြေပြင်အား သဲဖြူများ ၊ ကျောက်စရစ်ခဲငယ်များ ခင်းထားသဖြင့် သန့်ရှင်းသည်။ စားပွဲပုလေးများနှင့် ….။ ဆိုင်အတွင်းသို့ ကျနော်တို့ ၀င်ကြ၏။ ဆိုင်အတွင်း၌လည်း ဘားတိုက်ပေါ်၌တွေ့ခဲ့ရသည့် လက်နက်ကိုင်တော်လှန်ရေးတပ်ဖွဲ့အချို့အား တွေ့ရသည်။ သူတို့၏၀ဲဘက်ရင်ဘတ်၌ စာတမ်းအား တွေ့ရသည်။ `က.လ.လ.တ´…..။ ဘာလဲ…..။ မသိ၍ ကျနော်တို့အား ဦးဆောင်ခေါ်လာသည့် သူအား မေးကြည့်၏။ `ကယားပြည်နယ်လူမျိုးပေါင်းစုံလွတ်မြောက်ရေးတပ်ဖွဲ့´ ဟုသိရသည်။

(၂)
လက်ဖက်ရည်ဆိုင်အတွင်း ဗိုလ်ရွှေဝါနှင့်တွေ့ဆုံသိကျွမ်းခဲ့ရသည်။ သူကား …..`စောထ´တွင်ရောက်နေသည့် `က.လ.လ.တ´ တပ်ဖွဲ့၏ နိုင်ငံရေးမှူးဖြစ်သည်။ ထိုစဉ်က …. သူ့အသက်မှာ ၅၀-၀န်ကျင်ခန့်ရှိမည်။ အသားညိုညို…. ပိန်ပိန်သွယ်သွယ်နှင့် ဖြစ်သည်။ တပ်ဖွဲ့ယူနီဖောင်းအားအပြည့်အ၀၀တ်မထား….။ ကရင်ပုဆိုးအား ခါးတွင်စည်းထား၏။ စကားပြောလျှင် ဖြည်းဖြည်းနှင့်တိုးတိုးညှင်းညှင်းဆို၏။ တိုင်းရင်းသား ကရင်နီ၊ ကယားလူမျိုးတစ်ဦးထက် မြေလတ်သားတစ်ယောက်၏ပုံသဏ္ဍာန်ပေါက်နေသည်ဟု ထင်မိ၏။
`အဖိနှိပ်ခံလူမျိုးပေါင်းစုံလွတ်မြောက်ရေး….´ ဟူသည်အား ဗိုလ်ရွှေဝါသည် သူပြောသည့် စကားများအတွင်း မကြာ၊ မကြာ ထပ်၍ထပ်၍သုံးသည်။ န.၀.တ အဖွဲ့အတွင်း ဗိုလ်စောမောင်အား အနားပေးပြီး ဗိုလ်သန်းရွှေတတ်လာသည့်အပေါ် သူ၏ထင်မြင်ချက်အား ပြော၏။ စစ်အုပ်စုခေါင်းဆောင်မှုအသစ်အတွင်း ဗိုလ်သန်းရွှေ၊ဗိုလ်တင်ဦး နှင့် ဗိုလ်ခင်ညွှန့်တို့၏နေရာအား ယှဉ်ထိုး၍ တွက်ပြ၏။ တပ်မတော်ထောက်လှန်ရေးအဖွဲ့နှင့် တပ်မတော်ကြည်းအတွင်းအား ပြိုင်မှုများရှိလာမည်ဟု သုံးသပ်ပြသည်။ ကျနော်တို့က နားထောင်၍သာနေ၏။ လွတ်မြောက်နယ်မြေရောက် ကျနော်တို့၏ပထမဆုံးသော …..လက်ဖက်ရည်ဆိုင်နိုင်ငံရေးတရားပွဲ…..။
သူသည် စကားအားစမ်းရေစီးသကဲ့သို့ အလျှင်းမပြတ်အောင်ပြော၏။ သူ့ပြောဟန်သည် တက္ကသိုလ်မှ ပါမောက္ခတစ်ဦး `လက်ချာ´ ပေးနေသည်နှင့်လည်းမတူ….။ နိုင်ငံရေးသမားတစ်ဦး လူထုရှေ့ စကားပြောနေသကဲ့သို့လည်းမဟုတ်….။
လက်ဖက်ရည်ဆိုင်နိုင်ငံရေစကားဝိုင်းဆိုသော်လည်း သူသာလျှင် ပြော၏။ ကျနော်တို့က နားထောင်ရုံ….။ ပြုံး၍ခေါင်းညိတ်သည့်အခါ ညိတ်ကြ၏။
…….` မာနယ်ပလောထိုးစစ်ကို အကျအဆုံးများပြီး တစ်ဖက်သတ်ရပ်စဲလိုက်ရတာ န.၀.တ အတွင်း တပ်မတော်ကြည်းအတွက် အားနည်းချက်လို ဖြစ်သွားတယ်ဗျာ…..´ သူသည် စကားအားရပ်ပြီး ….မီးသေနေပြီဖြစ်သည့် ဆေးပေါလိပ်အား မီးညှိ၍ ဖွာရှိုက်၏။ မိုးခိုးငွေ့များအကြား၌ သူ့မျက်နှာသည် မှုန်ဝါး၍သွားသည်။
`အမျိုးသားညီလာခံဟာ ဗိုလ်ခင်ညွှန့်တိုရဲ့ အိုင်ဒီယာလို့ ထင်တယ်ဗျ…..´ `ခင်ဗျားတို့ကော ဘယ်လိုထင်လဲ….´ ။
သူသည်စကားအားဖြတ်ပြီး ကျနော်တို့အား ထင်မြင်ချက်တောင်းနေပြန်သည်။ ကျနော်တို့က …..န.၀.တမှ အမျိုးသားညီလာခံကျင်းပမည့်အကြောင်း ကြေညာချက်မထုတ်ပြန်မှီ ရန်ကုန်ရှိ နိုင်ငံရေးပါတီများမှခေါင်းဆောင်များအား န.၀.တက ပြည်ထဲရေးဝန်ကြီးဌာနရုံးခန်းတွင် ခေါ်တွေ့ကြောင်း၊ န.၀.တဖက် ကဗိုလ်ချုပ်ဘုန်းမြင့်၊ ဗိုလ်ချုပ်မျိုးညွှန့်နှင့် ဗိုလ်မှူးကြီးသန်းထွန်းတို့ တတ်ကြောင်း NLDမှလည်း ဦးအောင်ရွှေတို့ ဦးလွင်တို့ တတ်ကြကြောင်း …….။
အမျိုးသားညီလာခံ၏ဦးတည်ချက်ချမှတ်ရေး ဆွေးနွေးကြကြောင်း….. နိုင်ငံရေးပါတီများမှ အကြံပြုစာများရေးသားတင်ပြကြကြောင်း …..နောက်ဆုံးအားလုံးကို ပယ်ပြီး …..စစ်အုပ်စုက သူရဲ့ ဦးတည်ချက် (၆)ရပ်ကိုပဲ ထုတ်ပြန်ခဲ့ကြောင်း …..။ ကျနော်တို့သိခဲ့သည့် အခြေအနေအားပြောပြ၏။
`ရန်သူကတော့ဗျာ …..သူ့အကျိုးစီးပွားအတွက်ပဲ ကြည့်ပြီး ဘာဖြစ်ဖြစ်လုပ်မှာပဲ၊ နိုင်ငံရေးအင်အားစုတွေက ရန်သူ့အကျိုးပြုလုပ်ရပ်မျိုးတွေမှာ အသိမဲ့လိုက်မပါမိဖို့ လိုတယ်ဗျ….. အဓိကကတော့ ….ရန် ၊ ငါ စည်းပြတ်ဖို့ လိုတယ်ဗျ´
ကျနော်တို့၏စကားအဆုံးတွင် သူက နိဂုံးချုပ်ပေး၏။ အပြင်တွင်သည်းနေသောမိုးသည် စဲ၍သွားပြီ။ ကျနော်တို့က ခရီးဆက်ရဦးမည်။ `စောဖိုးထ´ သို့……။ `စောဖိုးထ´က `စောထ´ နှင့်နာရီဝက်ခန့် ခြေလျင်သွားရမည့်ခရီး….။ တောင်အဆင်းအတတ် မရှိ ….။ လွင်ပြင်အား ဖြတ်၍သွားရမည်။
ကျနော်တို့ သူ့အား နုတ်ဆက်၏။ `ကျနော်တို့ ရန်သူနဲ့ ရန်၊ငါ စည်းပြတ်ဖို့လိုတယ်ဗျ….´ ကျနော်တို့အား ထပ်၍ပြောပြန်၏။ ကျနော်တို့ ပြုံး၍ခေါင်းညိတ်ပြရင်း ကျောပိုးအိတ်အားလွယ်ပြီး ဆိုင်အပြင်သို့ ထွက်ခဲ့၏။ နောက်ပိုင်း …..သူနှင့် တစ်ကြိမ်မျှပြန်၍မဆုံတွေ့ဖြစ်တော့ …..။ ဆိုင်းအတွင်း ကက်စက်ဆောင်းဘောက်မှ ကိုမွန်းအောင်၏သီချင်းသံက ဆိုင်အပြင်လမ်းပေါ်သို့ ပြေး၍လိုက်လာသည်။
……..`အမှန်ကို ဆိုတဲ့ ငါ့ပါးစပ်ကို
ချုပ်နှောင်စဉ်မှာ ……အမှန်ကိုမြင်တဲ့
ငါ့မျက်လုံးပါ ……ဖောက်ပါတော့လား ……´


၂၀၀၈ခုနှစ် သြဂုတ်လ၌ Mizzima တွင် ဖော်ပြခဲ့သည်။