နေရောင်မခတဲ့တောင်တွေဆီမှာ

(ရွှေအိမ်စည်)

(၁)
`စောထ´နှင့်`စောဖိုးထ´ရွာက နာရီဝက်ခန့်ခြေလျင်လျှောက်လျှင် ရောက်၏။ မဝေး…..။ အတတ်အဆင်းမရှိသည့်အတွက်လည်း ပင်ပန်းသည့်ခရီးမဟုတ်ဟု ထင်မိ၏။ သို့သော် ….. `နွားလေးခို´ဆေးခန်းအတွက် ကျနော်တို့နှင့်အတူ ဆေးပစ္စည်းများပါလာသည်။ D5W နှင့် D5S ဆားရည်ပုလင်းများပင် စက္ကူပါကင်များနှင့် ၆-ပါကင်ပါ၏။ အခြားဆေးများနှင့်ဆိုလျှင် …..အထမ်းသမား ၅-ယောက်ခန့်ထမ်းရမည့် ပစ္စည်းများဖြစ်သည်။ စောထက ရွာမဟုတ်….ဈေးတန်းဖြစ်၍ ရွာလူကြီးဆီသွားပြီး `၀န်ထမ်း´တောင်း၍မရ…..။ အထမ်းသမားငှားရန်လည်းမလွယ်….။ ၀န်တင်`လား`ရှာ၍လည်းမရ…..။ခက်ပြီ။ မိုးက စဲသွားပြီးဖြစ်သော်လည်း အုံ့မှိုင်း၍နေသေးသည်။ နေမ၀င်မှီ `စောဖိုးထ´သို့ အရောက်သွားကြရမည်။ `စောဖိုးထ´ရောက်မှ ညစား ထမင်းချက်စားကြမည်။ မတတ်နိုင်…..။ ကျနော်တို့ ၄-ယောက်ပင် ဆေးပစ္စည်းများအား ထမ်းပိုး၍ သွားရန်သာ ရှိတော့၏။ မျှ၍ခွဲကြ၏။ တစ်ယောက်လျှင် ၁၅-ကီလိုခန့် ထမ်းပိုးရန် ဝေစုရ၏။ ထမ်းပိုးစရာက မရှိ….။ မတတ်နိုင်….။ လုံချည်ကွင်းအတွင်း စုပုံထည့်ပြီး လုံချည်ကွင်းသိုင်း၍ ထမ်းကြရတော့၏။ ကျောပိုးအိတ်အတွင်း ထည့်၍ထမ်းပိုးရခြင်းမဟုတ်သည့်အတွက် ပစ္စည်းများက ကျောပေါ်တွင် နေသားမကျ။ ဟန်ချက်မညီ….။ ဟန်ချက်မကျသည့်အတွက် ထမ်းရသည်မှာ ပို၍ခက်ခဲ၏။ လေးသည်ဟု ပိုထင်ရသည်။
စောထမှ ထွက်သည့်ခရီးတွင် ကျနော်တို့နှင့်အတူ `အမိုးကြီး´ တစ်ဦးလည်းပါသည်။ သူလည်း KNU၏ ညောင်လေးပင်ခရိုင်၊ ကျောက်ကြီးမြို့နယ်သို့ပင် သွားမည်ဖြစ်သည်။ သူ၏ခင်ပွန်းက KNU ကျောက်ကြီးမြို့နယ်ဥက္ကဌ……။ ဖဒိုအယ်မှူး….။ ဖဒိုအယ်မှူးက မော်လမြိုင်တက္ကသိုလ်တွင် ပညာသင်ခဲ့ဖူး၏။ ဖဒိုမန်းရှားနှင့်သက်တူရွယ်တူခန့်ရှိမည်။ သူတို့အိမ်ကလေးက `ဟိတိုးထ´ ချောင်းဘေးတွင် ချောင်းအား မျက်နှာမူ၍ဆောက်ထား၏။ သက်ကယ်မိုး၊ သဲပွက်ခင်း၊ သဲပွတ်ကာ တဲအိမ်လေးမျှသာ….။ လင်မယားနှစ်ယောက်တည်းသာ နေကြ၏။ ခလေးများကိုမူ `ဖွေးဖေါ်လူ´ကျောင်းတွင်ထား၏။ `ဖွေးဖေါ်လူ´ကျောင်းက KNUပညာရေးဌာနမှဖွင့်ထားသည့် အထက်တန်းကျောင်းဖြစ်သည်။ နယ်ကျောင်းသားများအတွက် `ဘော်ဒါ´ရှိသည်။ `ဖွေးဖေါ်လူ´ရွာက မှိုင်းလုံးကြီးချောင်းဘေးတွင်ရှိသည်။ `ဖွေးဖေါ်လူ´တွင် ဗိုလ်ချုပ်မြနေသည်။ အခြားKNU၏စစ်ဖက်နယ်ဖက် ခေါင်းဆောင်များလည်း နေကြသည်။ ထိုစဉ်က ….. ဖွေးဖေါ်လူသည် ဗိုလ်ချုပ်ရွာ ……။

(၂)
စောထဈေးတန်းအားလွန်သည်နှင့် တောင်ကြားလွင်ပြင်ငယ်အတွင်းသို့ ရောက်သည်။ လူသွားလမ်းက ဖုံသည်။ လမ်းဘေးဝဲယာတွင်မူ ခါးစောင်းခန့်ရှိမည့် မြက်ရိုင်းပင်များ….။ တောင်ကြားလွင်ပြင်ဆိုသော်လည်း မြင့်မားသည့်တောင်တန်းကြီးများက အဝေးတွင် …. အထပ်ထပ်နှင့်….။ အချို့က စိမ်းညို၍နေသည်။ အချို့က ပြာမှိုင်းမှိုင်း ….။ တောင်ကြားလွင်ပြင်ကရေညီပြင်ကဲ့သို့ ပြန့်ပြူးနေသည်မဟုတ်…..တောင်တန်းငယ်များ၊ ဆင်ခြေလျောများနှင့် …..။ တောင်ကုန်းငယ်များတွင် သစ်ကြီးဝါးကြီးဟူ၍မရှိ…..ပြောင်၍နေသည်။ လွန်ခဲ့သည့် သုံးလေးနှစ်ခန့်က တောင်ယာခုတ်ထားသည့် တောင်ယာကုန်းဟောင်းများဖြစ်မည်။
ဘောလုံးကွင်းတစ်ခုအား ကျနော်တို့ဖြတ်ကြသည်။ ဘောလုံးကွင်ဟုဆိုသော်လည်း ကွင်းအတွင်း မြက်ရိုင်းများက ပေါင်လယ်ခန့် တောထ၍နေသည်။ ဘောလုံးကွင်း၏တစ်ဖက်၌ခြံစည်းရိုးပျက်တစ်ခုအား တွေ့ရ၏။ စည်းရိုး၏အတွင်းဖက်၌မူ ပြိုနေသည့်တဲတန်းရှည် နှစ်ခုအားတွေ့ရ၏။ ဘားတိုက်ဟောင်းများဖြစ်ခဲ့ဟန်တူသည်။
`အဲ့ဒါ …စောထ Camp လေ၊ ကျောင်းသားတပ်မတော် တပ်ရင်း (၂၁၀) နေရာဟောင်းပေါ့…..´
စောထစခန်း…..။
၁၉၈၈ …..စက်တင်ဘာအာဏာသိမ်းပြီးသည့်နောက် ….သပိတ်စခန်းအသီးသီးမှ သပိတ်တပ်သားတို့ လက်နက်ကိုင်တော်လှန်ရေး ဆင်နွှဲရန် နယ်စပ်ဒေသအသီးသီးသို့ တောခိုခဲ့ကြသည်။ ကျောင်းသားလူငယ်များက အများစုဖြစ်သည်။ ဓါး၊ ဓါးချင်း၊ လှံ၊လှံချင်း ၀ါဒီတို့အား ရင်ဆိုင်ရန်မှာ လက်နက်ကိုင်တိုက်ပွဲမှတပါး ….အခြားမရှိ။ အစုလိုက်၊အပြုံလိုက်တောခိုကြသည်။ သပိတ်စခန်းနှင့်အနီးဆုံး လွတ်မြောက်ဒေသဆီသို့…..။
ဇေယျဝတီ၊ ဖြူး၊ တောင်ငူ၊ အုတ်တွင်း၊ ကညွှတ်ကွင်းဘက်မှ သပိတ်တပ်သားတို့ စောထသို့ရောက်ပြီး ဤနေရာတွင် စခန်းတည်ခဲ့ကြ၏။ စောထ Camp…..။ ထိုစဉ်က စောထ Campတွင် သပိတ်တပ်သား သုံးရာခန့်ရှိမည်။ အမျိုးသမီးများလည်းပါသည်။ အမျိုးသမီးများက ၂၀-ခန့်ပင်ရှိမည်။ ထိုအထဲ၌ …..ကိုကျော်ဦးလည်းပါသည်။ သူက ….ဇေယျဝတီသားဖြစ်သည်။ ညီအကို၂-ယောက်ရှိသည့်အနက် သူက အငယ်ဖြစ်သည်။ သူ့အကိုကမူ အာဏာသိမ်းစစ်တပ်အတွင်း၌….။ သူက အာဏာသိမ်းစစ်အုပ်စုအား လက်နက်ကိုင်၍တော်လှန်ရန် စောထသို့ ရောက်လာခဲ့၏။ ထိုစဉ်က သူ့အသက်သည် ၂၀-၀န်းကျင်သာရှိသေး၏။ အသားညိုညိုပိန်ပိန်သွယ်သွယ်နှင့်….။ ဆံပင်အားဘေးခွဲ၍ သပ်ရပ်စွာ ဖီးလေ့ရှိသည်။ မြို့ပြမှရောက်လာသည့် ကျောင်းသားတို့ ပထမဦးစွာရင်ဆိုင်ရသည်က ….. `ငှက်ဖျား´။ စောထသို့ရောက်ပြီး ၁၀-ရက်ခန့်ကြာသည်နှင့် ငှက်ဖျား၏ထုိးစစ်ဆင်မှုအား အားလုံးခံရသည်။ အလူးအလဲ….။ လူနာကများပြီး ဆေးဝါးကနည်းနည်း….ကုသမှုက မပြည့်စုံ…..။ ဤအထဲ ကိုကျော်ဥင်္ီးသည် ငှက်ဖျားဒဏ်အခံရဆုံးဟုဆိုရမည်။ ငှက်ဖျားဖျက်ဆေးအား ပဲလှော်စားသလို စားနေရသည်။ ထိုစဉ်က ….ငှက်ဖျားဖျက်ဆေးက `ဖန်စီမက်´ဟုခေါ်သည့် ဆေးဖြစ်သည်။ ကိုကျော်ဦးနှင့်`ဖန်စီမက်´ပျက်သည်မရှိခဲ့။ ထိုကြောင့်ပင် သူ့အား ရဲဘော်များက ကျော်ဦးဟု မခေါ်ကြ၊ ဖန်စီမက်ဟု ပင် ခေါ်ကြတော့၏။ စောထစခန်းကော်မတီအားဖွဲ့၏။ ရှစ်ဦးနှင့်ဖွဲ့သည့် ရှစ်ဦးကော်မတီဖြစ်သည်။ ကော်မတီတွင် ကိုကျော်ဦးလည်းပါသည်။ ဒု-စစ်ရေးတာဝန်ခံအဖြစ်နှင့်…..။ ABSDF အားဖွဲ့စည်းပြီးသည့်အခါ၌ စောထစခန်းသည် ABSDF၏ တပ်ရင်း(၂၁၀) ဖြစ်လာသည်။ တပ်ရင်း (၂၁၀)တွင် ကိုကျော်ဦးက တပ်ခွဲမှူး….။
ကျနော်တို့ စောထ Campဟောင်းနေရာအား ကျော်ခဲ့ပြီ။ လမ်းသည် ဆင်ခြေလျော ပြေလျှော့လျှော့ဆင်းသွား၏။ စောထ Camp နှင့်ကျောင်းသားတပ်မတော်တပ်ရင်း ၂၁၀-၏နေရာဟောင်းက အနောက်တွင်ကျန်ခဲ့ပြီ။
ထိုစဉ်က ကျနော်မတွေးမိ။ နောက် ….ဆယ်နှစ်….တစ်ခုသော အောက်တိုဘာတွင် ဤစခန်းမှ ကျောင်းသားရဲဘော်တစ်ယောက်သည် ဘန်ကောက်မြို့ရှိ စစ်အုပ်စု၏ အချုပ်အခြာအာဏာပိုင်ရာ မြန်မာသံရုံးအား အောင်အောင်မြင်မြင် ၀င်ရောက်စီးနင်းသိမ်းပိုက်သည့် ပျောက်ကျားတပ်ဖွဲ့အား ဦးဆောင်ခဲ့လေမည်ဟု …..။
စောဖိုးထရွာအတွင်းသို့ ၀င်ခဲ့သည်။ ရွာအ၀င်လမ်းက မော့မော့လေးတတ်သွားရသည်။ ရွာက ကုန်းမို့မို့ပေါ်၌ တည်ထားသောရွာ….။ ရွာအတွင်းရှိ ဘုရားရှိခိုးကျောင်းမှ ဓမ္မတေးသံအားကြားရ၏။ ခေါင်းလောင်းထိုးသံနှင့်ဝတ်ပြုဆုတောင်းသံတို့အား ရွာအတွင်း ပျံ့လွှင့်၍နေသည်။ ငြိမ်းချမ်းရေးတေးသံများ….။ ဘာသာတရားဆရာတို့ကား ငြိမ်းချမ်းရေးအတွက် ၀တ်ပြုဆုတောင်း၍ ဓမ္မတေးများအား ရွတ်ဆိုကြ၏။
အမေရိကန်သမ္မတကြီးတစ်ဦးကမူ …..`ငြိမ်းချမ်းရေးအတွက် ကျနော်တို့စစ်ခင်းနေကြရတာပါ´ဟု ဆိုသည်။ စစ်နှင့်ငြိမ်းချမ်းရေး ……။

၂၀၀၉ခုနှစ် ဖေဖော်ဝါရီလ၌ Mizzima တွင်ဖော်ပြခဲ့သည်။